我參加左大人網"毒撚有聖誕"活動, 係其中一位中獎者
聽閒其他中獎者既"女神"唔一定一樣, 所以大家抽左個唔同既唔好怪我
當晚去之前我個心都十五十六, 始終我未拖過女仔隻手, 樣衰, 肥, 矮, 毒, 柒, 做冷氣機維修學徒, 28歲人一個月仲係搵萬二蚊. 讀男校, 女仔朋友都唔多一個.
我係27號晚拎獎, 當時間餐廳冇聖誕餐, 係上環Doppio Zero(唔識讀)
約左地鐵站等, 一見真人...
眼大大, 長黑頭髮, 純正廣東話, ok wor! 直頭係靚!
我問佢幾多歲, 佢話21. 步行既時候, 佢主動拖我隻手, 搞到我心跳加速.
然後我感到, 佢身材好豐滿, 食晒波餅.(注意, 絕對唔係肥婆, 佢有腰架) 我比佢拖到扯起晒.
有樣有身材, 發夢都唔會有啦, 又或者番大陸有好多. 香港女仔有樣有身材真係唔多.
我覺得佢唔算"中上", 而係絕對上級, 10分滿分我真係比佢8分9分
去到間野, 個餐牌我真係唔識睇, 我淨係見到好撚貴, 於是佢幫我睇埋.
米之蓮有星, d野食又真係ok
食完野佢拖我行去海邊, 傾左一陣計, 然後就回程去地鐵站
最後佢比左佢wechat我, 話我鐘意既話可以再搵佢.
做左28年人, 第一次聖誕感受到暖意, 我諗我一生都唔會忘記呢個聖誕. |
發表於 2015-12-28 11:15:44
