|
|
三立新聞昨日報導有位已婚男士在婚後曾偷食26位女士，行跡遍佈多國，有些受害者曾因事主而墮胎和得性病。
其實有咩高危因素可以感染到性病 ? 當中有三大主要高危情況
一、用得唔啱／無用到套
聽得多無用套就大機會中招啫！用得唔啱都會出事?
係架，因為無跟住正確步驟去帶套，有可能會穿、破損，而呢D情況都會大大提升左感染機率。
正確使用安全套步驟：
-核對包裝上的有效日期及確保包裝袋完整。
-小心沿邊角撕開包裝袋，將避孕套擠出。切勿用尖利的指甲把它拉出，以免損害避孕套。
-避孕套必須在陰莖與女方的外陰或陰道還沒有接觸前戴上。
-用手擠出膠套尖端小囊內的空氣，以便頂部留有空位貯留精液，將避孕套戴在勃起的陰莖上。
-把避孕套捲起的部分展開，直至套著整個陰莖。
-射精後，陰莖要及時從陰道連同避孕套一起退出，以免陰莖鬆馳後，精液從避孕套口流入陰道。
-每次性交都要使用一個全新的避孕套。
(資料來源:香港家庭計劃指導會)
緊緊緊記！好多人都唔記得步驟４同６，一定要手擠個套尖尖位D空氣出黎同陰莖仲勃起個時除套，唔係D精會漏出黎架！與此同時，揀啱套同KY都好重要，如果唔係就可能會鬆脫啦、皮膚或「妹妹」敏感啦等等。
二、有多位性伴侶
就好似肺炎咁接觸得愈多人就增大左機率感染風險，而性伴侶多左自然都多左機會感染。所以定期測試點解咁重要呢，至少可以知道自己身體狀況嘛！
三、性伴侶曾有多個性伴侶
睇左近排咁多新聞先知時間管理大師無處不在，可能有個係左近。如果擔心的話，可以鼓勵你ＢＢ一齊做測試，唔係話信唔過BＢ，只係但求大家安心。情侶測試本中心無任歡迎，現時仲限定送一盒岡本０.０１安全套，預約就快啦！
下回愛星文會同大家分享下點揀套同KＹ，想知就繼續留意choicecare
◤再思社區健康組織◢（NGO）
性健康諮詢
免費、不記名、保密、
愛滋病毒/梅毒快速測試
電話：3188 9024
Whatsapp / Signal：5409 2569
Wechat / Telegram / Instagram:：choicecare
|
|
發表於 2021-1-14 12:10:29
