屋企人有子宮頸癌

oscarrrchan

屋企人有患子宮頸癌 所以我知道d癌細胞可以由子宮頸表面侵入到較深入既組織
如果唔及早發現 最後仲可能會擴散到肝臟 肺 同腦
好似我屋企人咁發現得遲都幾麻煩
所以我未有性行為前 好早就打左hpv疫苗
d人成日話怕有副作用 其實hpv疫苗已經發展左段時間 係好安全
只係打完會有短暫頭痛同攰等情況 同平時打其他疫苗既反應相似
但我身邊好多女仔friend都無打 無咩警覺性
睇完啊sa個廣告都無主動了解咁
事實上打疫苗再加定期身體檢查真係好重要 好重要 好重要
雖然前者係唔平 要幾千蚊 但真係可以預防一d會感染生殖器官既病毒 男同女都係
性病測試既話 其實唔去私家check都可以去政府既社會衛生科診所 免費又保障到自己同伴侶
唔好好似我屋企人咁遲先發現 要錫自己身體多d先得！