港島名校要女生露bra帶驗色!

風化影

【新增影片】匿名facebook群組「名校 Secrets」周三有自稱庇理羅士女子中學的學生留言，投訴校方突然要求檢查全校學生配戴的胸圍顏色，「一係就嗌人攞條bra帶出嚟睇，一係就嗌人哋除衫」，直斥校方不尊重學生。事件引起網民熱議，大批網民批評學校做法無理，更擔心會引起性騷擾問題。

其後有學生留言補充，校方只是要求有學生把冷衫脫掉，以供檢查，而穿背心的則要展示bra帶，「冇去到除衫咁嚴重」，認為負責檢查的領袖生亦在合情合法的範圍內進行檢查，但她亦認同校方小題大做、侵犯私隱。

有人留言稱不排除部份在場的男老師會見到站在後排的女同學接受檢查的情況，但認為「只係除咗件冷衫嘅話，其實唔會尷尬得去邊，上堂個陣掹大個髀嚟坐又唔見你覺得尷尬？」有人留言指「校規年年都有，內容年年一樣，只係懲罰方式唔同咗」，形容事件「同女校check裙短、男校check窄腳褲冇分別」，呼籲學生勿意氣用事將事情鬧大影響校譽。

有網民就留言反駁不應將無理的規定合理化，「要女同學當眾露bra帶叫合情合理？我明白點解依家啲大學迎新會玩得咁意淫囉。」亦有自稱該核畢業生的網民留言稱，學校過去根本無規定內衣顏色的校規，批評校方不應為此勞師動眾侵犯學生私隱，「BPS女生是乖巧聽話，但不代表要做順民，連有違常理的校規也說成『合情合法』，不問緣由就去順從，那是有違獨立人格的。」

【網民咁講】Melody Wolf：告得性騷擾Jerry Chan：唔講我會以為係A片情節。Zeus Cho：成件校服已經有色，乜都睇唔到啦。Millie Chow：要女同學當眾露bra帶叫合情合理？我明白點解依家啲大學迎新會玩得咁意淫囉。Jason Ng：今次check得你個bra咩色，下次佢哋就有藉口check底褲顏色。Ng Yuk Ming：BPS女生是乖巧聽話，但不代表要做順民，連有違常理的校規也說成「合情合法」，不問緣由就去順從，那是有違獨立人格的，更遑論期望你們將來投身社會能捍衛自身的公民權利了？


http://hkm.appledaily.com/detail ... mp;category=instant