|
|
曾經一個Uncle同我講, [以為自己好靚既女人最難搞]
我很認同, 因為呢種女人性價比最低. 自己明明只係C Grade, 但就要搵個A Grade既男友. 你對佢幾好佢都唔識感恩, 什至不以為然.
然而香港呢類女仔其實唔少, 特別係26歲以後既女仔就更多
26歲以後既女仔, 見識高左, 傷過痛過, 自然要求更高.
但問題是, 你26歲時, 你無論樣貌或身材都比以前差了, 要求卻比以前高.
所以點解好既女仔通常25歲前比好男仔mark實晒, 所以點解咁多男人年過30了, 都只喜歡細過25既女仔, 這是有原因的, 為什麼要付出更多, 去換取一個條件較差既女人?
當然. 26歲以後既女人都大有市場. 一些四十幾五十歲既成功男人, 不會喜歡拖一個o靚妹出街. 但這些26-30歲既女人, 卻嫌人地老, 人地唔靚仔. 只會收兵多.
「女神」呢個詞語，近呢幾年真係聽到厭，呢個女神嗰個又女神一街都係女神。有D配落個外表度，會產生一種「唔_係啊？」嘅呼叫。
從來無自認過係女神，又咁樣俾人稱呼既女仔，當然無問題啦。但另外有一啲真係同「女神」呢兩隻字拉唔上關係嘅女仔，又真係會當正自己係女神，一邊派軍糧一邊使人做嘢。
呢類so called女神，我一般會稱之為「蝦自大女神」。
因為呢一類女仔，被誤認為「女神」嘅原因，只得一個——佢身處嘅環境，其他女性動物嘅質素太低。
同時間，男性動物喺呢種情況都有一個通病，就係就算喺嗰個環境女士整體嘅質素有幾低，佢哋總會對相對質素最好嗰個，有特別優待。
所以嗰個老掉牙嘅假設：如果荒島上面淨係得返幾個醜八怪，你會揀邊個？其實好多男人實際上……係點都會揀到其中一個嘅，好少真係會全部都唔揀的。
所以當一個環境入面，池中無魚嘅話，「蝦自大女神」往往就會出現，上演一幕「池中無魚蝦自大」嘅鬧劇。而非常多嘅呢類鬧劇，最後都會演化成悲劇——
當池入面，出現魚。
「蝦自大女神」面對呢種情況，一般會產生過敏反應，就係睇人地唔順眼。而長遠來講，「蝦自大女神」亦好少話會接受度呢種「變了16號愛人」嘅感覺，卡住係神與人之間，唔上唔落唔知做乜嘅狀態。
喺我嘅經驗入面，最赤裸裸睇到呢類事情事發經過嘅，有3次：
第一次
升高中嗰年
基於靚女通常都俾高年級mk仔溝清光，再繼而無心向學嘅定律，中學時一位係精英班入面碩果僅存、個樣相對唔算差嘅女仔。中一至中五喺自己個班度，可謂未逢敵手。班入面嘅男生，雖然唔知憑乜嘢，仍然獻殷勤者眾 。
但升上中六，卻黎左一個真正達到美女級別嘅外校生，呢位「蝦自大女神」頓時變成透明人。心生不忿嘅佢，就成日周圍同人講個新生成日發姣冧仔。但係喂！阿媽教落，點樣分辨好人同壞人呢？靚啲嗰個人，一定係好人嚟㗎嘛！定律嚟架啦！你話人哋發姣，邊個信啊？
第二次
做暑期part-time侍應生嗰陣
嗰時喺一間餐廳做暑期工，成間餐廳得3個女仔，全部都係mk妹。其中一個身型比較瘦削嘅，無緣無故地就成為咗全間餐廳所有樓面以及廚房男性嘅掌上明珠。
餐廳男經理，比我入職早1個月，當然佢亦都唔係省油嘅燈，上任後好快好醒目地，就請左個靚女waitress返黎(自誤？)。呢位「蝦自大女神」，終於由原本每日做半個人嘅功夫，變返做正常一個人應該要做嘅功夫。
突變之間，佢以往對樓面以至廚房所有男性動物所發揮嘅冧功，全部失效。我就見證着一個偽女神王朝嘅沒落。有一日，佢仲夠膽同我講：「唔知點解明明請多咗個人，我啲功夫仲做多咗好多囉！我覺得新同事真係勁廢！癡_線架！」我本身想同佢講，你就癡線！但我無，我直接走咗過去撩新同事傾計。
第三次
船P與clubbing
有一個禮拜，全班男仔不斷地形容，上一個周末一個我冇出席嘅船河，其中一個女仔有幾正幾索。幾條仔嘅Whatsapp group，每日除咗互相取笑遊船河當日，各位如何各出奇謀爭取同女神攀談之外，就係不斷咁期待下一個周末嘅蒞臨，因為將會成個船河原班人馬去clubbing。到咗weekend，我梗係跟埋去睇下個女仔有幾神級啦。
果一晚落到蘭桂坊，係夜場門口排隊時，傳說中一行8人嘅女仔終於出現。經一輪雷達掃射後，我問身邊嘅男仔friend，喂！你地話好得嗰個女仔冇黎咩？「唔係呀，咪黑色One Piece藍色高踭鞋嗰個囉！」我個刻，好想叫班友仔最好去驗一驗眼，但係再望望另外7位女生嘅質素，我理解到，遊船河呢類困獸鬥，係甲板上面一班人曬足幾粒鐘，係好容易產生海市蜃樓嘅幻覺嘅。
結果，入到去舞池玩左唔夠半個鐘，成班仔就俾場入面現實世界掂好多嘅夜浦女牽引，四散左係舞池嘅唔同角落，留返7位女士同埋「蝦自大女神」係舞池嘅中間。現象說明左，當一班野人進入左熱帶雨林，要溪澗有溪澗，要瀑布又有瀑布嘅時候，沙漠入面曾經如甘如霖個譚死水，會即刻化為nothing。
見到苦悶嘅女神，我行過去同情地問咗佢一句：「使唔使過去bar枱，嗌杯Nothing俾你啊？」
text by Tyler Li
（圖片來源：ViuTV《對不起、標籤你》截圖） |
|
發表於 2016-9-27 17:43:26
發表於 2016-10-15 09:06:22
