按摩場放蛇撞正二百磅鳳姐 彈鐘都冇用

風化影

放蛇撞正「二百磅鳳姐」 阿Sir：下次咪搞！
90年代香港的色情行業發展蓬勃，「一樓一」、夜總會和按摩場所等的色情場所大行其道，是不少男士的天堂。根據香港的法例，賣淫本身並不違法，所以做「一樓一」的鳳姐本身是合法的。但法例規定假若依靠他人賣淫的收入為生，即「龜公」、「龜婆」、「馬伕」等角色的人都是犯法的，而妓女亦不能在公眾地方招客，否則亦屬違法。


很多時候，警察的掃黃行動是以「放蛇」扮嫖客的方式，去按摩場或其他色情場所看有沒有違法的性服務等等。「嗰時試過『做蛇』，即係『放蛇』，放蛇嘅地方有分酒店同龍虎豹，即係靚嘢同Cheap嘢嘅分別。當時我仲後生，就幫手接咗單『下欄嘢』，係去一間時鐘酒店。」所謂「下欄嘢」亦即是下等、質素差的意思。想不到那次掃黃經驗竟把年輕的花Sir給嚇怕，從此再也不敢「放蛇」當嫖客⋯⋯

「 哇，二百幾磅啊，唔好玩啦！」鳳姐甫入房間，花Sir隨即被眼前的景象所嚇壞，沒有傳說中的婀娜多姿、美艷動人，只有很好「肉地」的二百磅鳳姐。花Sir看著眼前的人，只好說句：「肚餓啊！整碗餐蛋麵食先！」心想當然拖延時間先。當時同僚開始催促他要趕快搜集證據，於是他決定「彈鐘」，意即要求換過另一位鳳姐。

原來「彈鐘」也是一種調查手法。「彈鐘係有好處嘅，彈咗佢咪會走，變咗其他嘅隊員會跟住佢，睇吓佢喺邊度嚟。」然後花Sir只好等待第二位進來。「再嚟多個，195磅，輕咗5磅。」他回憶起這段往事也不禁失笑，更笑指自己當時堅決拒絕鳳姐提出幫他淋浴的邀請。那刻花Sir趕緊蒐集對方違法的證據，然後便聯絡隊員上來將鳳姐拘捕。

何謂證據？「譬如一般按摩場所，你去按摩，佢需唔需要按摩你下體先？需唔需要用舌頭去『奶』你下體先？有啲妓女仲會直接問『老細做唔做愛？』。」這些主動的暗示其實已觸犯了「唆使引誘他人作不道德行為」的條例。

憶起這段人生唯一一次的放蛇經驗，花Sir一副「有苦自己知」的模樣說：「所以啲人成日話警察免費叫雞好正，其實真係辛酸史。」

「霸王餐」好正？遇到皮膚生癬都要頂硬上

很多人常批評警察經常借工作之名食「霸王餐」，即警員在「放蛇」時享受完性服務才表明身份，不用付半分錢。但在花Sir眼裡這卻是一件苦差，「成日話差人食霸王餐，好似遇到白粉婆、污糟邋遢、皮膚生癬嘅都要去接觸，咁仲正唔正？但為咗搵證據拉人都要去做㗎啦！」

「我唔覺得係特登食『霸王餐』，有時候如果件事唔跟住發展落去，就好容易穿崩。識穿咗有時會畀人窒兩句，但有時真係會畀人打一鑊。以前啲雞竇有古惑仔睇場㗎嘛，有人搞事佢哋真係會打你。」所以花Sir認為不能怪責有些警察會食「霸王餐」，畢竟他們的出發點也只是為了蒐集證據。

醒目鳳姐  憑幾招識穿差人扮客掃黃


偽裝成嫖客去掃黃的方法雖然可行，但相同的方法用得多，鳳姐也開始變得小心謹慎。所謂經一事長一智，原來她們也有一套分辨真偽嫖客的方法。

「好似佢哋幫你按腳，咁差人就著黑色襪嘅，聰明嘅人見到對黑襪就會起疑心。或者見到你黑黑實實，大大隻好Fit，佢哋都會起疑心。」有時候，她們察覺到不妥，就不會多說甚麼，只會簡單按摩，然後說句「老細，做完啦，走啦！」假如聽到這句話，亦即已被發現身份，「放蛇」行動等同失敗。

時至現在，警方依然經常採取「放蛇」的方式去將違法的妓女拘捕，藉以打擊在背後操縱妓女的賣淫集團。