|
|
過去咗喇，慶幸呢段PTGF經歷已經過去咗，我唔係一個好女仔，但我好努力想做一個好女仔。
行街 $500/hr （包拖手）
Lunch $700/1.5 hrs
Dinner $1000 /2.5 hrs
Room Plan
$2800 /1Q/1hr
$4800 /2Q/2hr
其他另議，只上酒店，不上車，不上屋企。港島區先付100蚊訂金。100% not agent，可街等。
以上係我做PTGF嘅價目表，我唔需要名牌手袋同埋最新iPhone，把心一橫做呢行只因為爭人錢，仲要係打工所以爭人錢，你話諷刺唔諷刺？
當時我入行做保險，聲稱有底薪，其實根本唔係底薪，只係預支畀我，你跑到單跑到數就會扣返，你開唔到單就要還錢畀公司，希望你有做過呢行嘅讀者可以明白，因為一般未做過嘅街外人係唔明，仲可能質疑你個故事好假，正確嚟講，係質疑我嘅遭遇好假，搵藉口畀自己做PTGF。
我係單親家庭，媽媽腰骨有事，搵工唔容易，搵到，又腰痛頂唔住，我想賺多啲錢養家，唔想佢再攞綜援，但發覺自己嘅學歷同能力有限，有考慮過再進修，所以當我手上有一份門市sales工offer同埋保險經紀工offer嗰陣，我揀咗後者，貪佢時間可以自己控制，可惜望返轉頭，我先知自己揀錯。
媽媽身體愈嚟愈差，我又受唔住保險份工嘅不合理捽數，一辭職就畀公司追返啲人工，冇辦法之下問咗幾個friend借，原來好多人都燶過我（或者只係唔想借畀我，所以講到自己好窮啦）。問人借錢嘅過程之中，有個女仔friend同我講，佢而家做緊PTGF，因為欠緊好多卡數，但我需要嘅銀碼好細，提議我同佢一齊做，仲話我應該好快可以還清保險公司條數。
初時聽到覺得好荒謬，冇諗過有人叫我入行做PTGF，唔借咪算囉！不過之後幾日係咁畀人追數，加上問朋友借錢時有好多說話聽，我竟然認真考慮起上嚟，思前想後，打咗畀我朋友。
我：「Elaine，認真問，係咪可以跟你一齊做PTGF？可唔可以講多啲畀我聽？」
問咗一啲細節，我已經覺得大開眼界，然後Elaine就帶我進入呢個新世界。
記得我問過Elaine一句：「可唔可以齋食飯，唔同人搞嘢？」
Elaine：「得，你仙女下凡咪得囉，好心你啦，都決定做，不如豁出去，嗱嗱聲搵夠上岸仲好啦！你唔係想買車買樓㗎嘛，你想還晒保險公司啲錢啫，又唔係多，你真係做嘅，隨時一個月都唔使就搞掂啦！」
我認識嘅Elaine，喺PTGF嘅世界同圈子裡面有另一個英文名，而我，為穩陣起見亦都改咗另一個名，我叫Dada，所以我投稿都用Dada。
Elaine問過我：「你會唔會賣相同因應客人要求拍video？賺多啲！甚至可以要人幫襯買相買片先，買咗先考慮接佢哋啲出街plan同ML plan。」
我：「唔好喇，賣相賣片賺得幾百蚊，仲要流晒出去，雖然冇樣啫，都唔想有人認得我。」
開始時我都唔敢立即答應人哋ML plan，希望先做出街plan，等自己熱下身之餘，亦可以覺得對方合眼緣先至去酒店，PTGF有呢樣好，唔係個個行埋嚟都要接，佢揀我，我都可以揀佢，喺TG聯絡嗰陣，我甚至會叫對方「自介」，起碼畀我知佢幾多歲同埋多啲嘢。
頭幾個客人都比較宅，唔識形容，總之係宅，有一個仲要矮過我，佢哋同我出完街之後，好多都會搵我再約ML plan，反而有個幾高大威猛嘅男仔，佢同我食完lunch就冇再搵我去開房，所以呢，又係我揀人，人揀我。
有冇啲客係TG傾計時已經reject？有，有啲問我拎價目表時，會有好多要求，例如問SM幾錢？加手扣幾錢？上車搞得唔得？去佢屋企搞得唔得？我唔想有危險，呢啲客一律唔接。
後來遇到個客叫Nelson，30幾歲，四眼斯文樣，佢連續三四次約我出街plan同埋Dinner plan，因為我入行冇耐，所以Nelson呢種已經係熟客。我哋兩個出街氣氛都唔錯，大家會講下工作，佢做啲唔知咩工程，聽咗都唔知講乜，不過我嘅職責就係好似女朋友咁聽客傾訴，所以係工作嘅一部分，我並唔介意。
Nelson對我嘅工作一樣好有興趣：「有冇遇過變態客？」
我：「又冇喎，通常TG會問清楚玩咩先，變態客唔接，叫我著校服搞算唔算變態？」
Nelson：「有冇搞錯呀，你個樣超齡喎，著校服都似咩？」
我：「你唔好理，阿姐我有市場，你吹咩？」
Nelson：「你同幾多個客搞過呀？做咗呢行好耐？」
我：「搞嘢就得幾個咋，我其實做咗兩個月都冇，通常係出街食飯plan，你都冇幫襯我啲ML plan啦！啲男仔係咪純粹想有拍拖feel，唔一定要搞？」
Nelson：「唔……我想同你傾一個deal。」佢忽然認真起上嚟。
我：「咁凝重嘅，唔慌好嘢喎，講明先，ML可以，唔玩變態，SM免問，你唔係想打野戰嗰啲呀？」
Nelson：「唔係唔係，唔好誤會，我係想你扮我女友，嚟緊年三十晚上我屋企食團年飯，另外初一同初二陪我拜年，初一係我老豆嗰邊親戚，初二係我阿媽嗰邊親戚，一萬蚊一餐飯可以嗎？但你知屋企飯局唔似出街食，個幾兩個鐘應該唔得，呢三次我都約你6點，如果超過11點先走，我再加鐘畀你好唔好？。」
我：「扮你女友陪你拜年？真係咁簡單？一萬蚊一餐飯唔包搞嘢？」
Nelson：「唔使，真係食飯，不過我屋企算係大家族，你盡量配合下，到時氹多啲老人家。」
我：「可以呀，一萬蚊一餐，唔好反悔。但你點解唔正正經經搵個女朋友啫？你唔係太差啫！呃老人家好咩？」
Nelson：「我爸爸身體唔好，佢成日話自己過唔到今年，我梗係想佢長命百歲啦，不過佢身體係差咗好多，近三個月入咗兩次醫院，我唔想佢再等，更加唔想佢有遺憾，我識唔切女朋友㗎喇。」
如果早啲遇到Nelson，我之前就唔使同嗰幾個宅男去開房。細心諗返轉頭，原來我為咗咁少錢走去做PTGF，真係好羞愧，生活迫人，有時就係咁解。
返去同Elaine講呢年事，佢鬧咗我一大餐：「咪講咗我哋唔可以上客人屋企囉！唔上車唔上屋企呀！你畀人溶咗都唔知咩事，快啲推佢啦！」
我：「答應咗喇，同佢食過幾次飯，份人幾好，唔似變態，而家陪佢食餐團年飯，兩日拜年，咁就袋三萬喎，如果再有筆錢可以畀我報讀書就好喇。」
Elaine：「變態佬點會話自己係變態㗎！佢可能set個局引你上去咋，你點知佢屋企係點呀？叫天不應叫地不聞呀！」
我同Elaine因為呢單嘢嘈咗幾句，最後我堅持接Nelson嘅生意，因為我希望盡早上岸，後來Elaine態度亦軟化，佢叫我留低Nelson嘅地址電話，嗰幾晚會keep住打畀我，一定要報平安。
年三十，我應約去Nelson屋企飯團年飯…… |
本帖子中包含更多資源
您需要 登錄 才可以下載或查看，沒有賬號？立即註冊
x
|
發表於 2021-2-16 17:10:07
