|
|
大部分常見既性病多數由陰道同肛門性交傳播。因為直腸底層幼嫩，易擦損，病毒容易進入血管。而口交亦可以因為口腔有傷口/潰瘍，令對方帶性病病毒的精液/陰道分泌進入傷口而受感染。所以安全套其實唔只用黎避孕，佢仲有效防止愛滋病同其他性病！
進行性行為時，除左普通安全套外，口交膜、指套都可以預防性病同解決衛生問題。
1. 口交膜
口交膜其實係一層薄薄嘅乳膠膜，專門為陰部或肛門口交提供保護，尤其係經口交傳播既性病例如淋病和HPV等。呢一層膜並唔會太影響口交既快感。
市面上，有唔少性用品商店都會有唔同牌子 唔同口味既口交膜賣，例如朱古力同生果味等等。
2. 指套
指套其實就係手指大細的安全套, 都係一次性用品。前戲成日有指交，但係指甲可以藏有好多細菌，而且指甲邊緣好易劃破陰道或者肛門，造成傷口，引起細菌感染，亦會容易傳播性病。所以係性行為前為你會用既手指戴上指套就可以發揮返安全套既效用啦！
指套既選擇比較多，可以係成人用品商店購買。雖然市面上既指套有分有潤滑劑同無潤滑劑版，不過因為潤滑度對於各種型式既性接觸都好重要，所以建議大家配合返潤滑劑去用。 |
|
發表於 2020-5-20 16:31:57
