「見樣」即揀高富帥劉鳴煒

2016-1-4 12:55| 發佈者: alexchau| 查看: 2998| 評論: 12

摘要: 劉鳴煒仲係特首梁振英頭號fans，幾乎CY個個fb post佢都like。咁一眾港女又like唔like佢呢？今晚港台節目《我係乜乜乜》搵咗佢同游學修做咗個測試「男神測試」，請來一班香港女仔(簡稱港女)，唔俾佢哋見到兩男個樣， ...

劉鳴煒仲係特首梁振英頭號fans，幾乎CY個個fb post佢都like。咁一眾港女又like唔like佢呢？今晚港台節目《我係乜乜乜》搵咗佢同游學修做咗個測試「男神測試」，請來一班香港女仔(簡稱港女)，唔俾佢哋見到兩男個樣，只係問問題，例如價值觀:如果到糧尾，得番100蚊食情侶餐會點食法、錢途同前途又同如何？政見又如何？

當初未開個白幕、未見樣前，游學修都好有吸引力，大多數女仔都去佢嗰邊，反而劉鳴煒好少人揀；點知一揭幕，兩男現真身，眾女即時轉軚，話覺得劉鳴煒個樣成熟、對眼靚啲、讚佢型。大批港女仲係當住游學修面轉投劉鳴煒「旗下」，sosad。

引述部份女參加者讚美劉鳴煒之辭:
「樣同成個package都係佢(劉鳴煒)好啲。」
「我依家睇男神我就純粹睇樣…」
「你(游學修)都靚仔但真係太0靚仔樣，佢(劉鳴煒)就真係成熟穩重同埋佢隻眼真係好靚。」
「我最後都係覺得樣，成個package好似呢面好啲。」
批評劉鳴煒「離地」嘅一眾高登巴打，親眼目睹港女們「一見樣即轉軚」、要一個package全包宴的男朋友，反應當然係……你都估到啦。
「口裡說不，身體……」
「一知道有錢，即刻轉呔。」
「啲港女人真係好笑，完全唔放過啲機會。」
「見面就轉，係最俾人睇唔起。」
「港女用事實證明佢地係會當住你面起你飛腳。」
「大劉個仔講嘢完全冇內容，一味講啲好大路嘅嘢，其實一係就有人已經做緊，一係就實行唔到。」
「條女話政見唔同即刻分手，見到有錢仔就飛過去，好好樣衰。」

班網民除咗插爆班港女之外，仲有就係插爆劉生，網民話：「如果你老豆唔係大劉，你都唔知喺邊啦。」「試下佢冇錢有女跟佢嗎？」
「價值觀 = 支持邊隊球隊？反映出呢條二世祖何其膚淺！」

實港女除咗極醜惡之外呢，仲好撚蠢嘅

作者: 麥精維他奶

其實港女除咗極醜惡之外呢，仲好撚蠢嘅，出得鏡就咪咁猴擒撲埋疊銀紙道啦，初頭未見樣咁對談，就講到自己好著重內涵咁話，到開左樣啦，大家咪又係望樣望身家。我唔係話佢地睇樣睇身家唔啱，但係你係港台一個咁大型嘅節目入面，當住幾部攝影機同全香港幾百萬人對眼走去轉軚，咁咪就係蠢囉。

更何況，有唔少睇緊節目嘅人更加係不齒呢種拜金嘅態度，加上而家呢個網絡世界係點大家都好清楚，咩賤男中出即飛遭起底，我相信各位網民都睇唔少。係一個咁嘅背景之下，為咗一個撲朔迷離嘅所謂「釣金龜」機會﹝拿，唔好同我講話有人無諗過呢樣嘢，因為諗過呢樣野嘅人最多都係計錯數，高估左自己嘅吸引力，而無諗過呢樣野嘅人連最基本嘅理性分析都無，因為佢地做呢個決定嘅所得一定比損失大。﹞，走去冒一個俾人起底加怒插嘅風險，真係醒到加零一。

比著我係佢老細見到佢地個樣就炒Q咗佢哋，做人唔係唔可以拜金，但係就一定要有PR，做野做到咁出面咁核凸，都唔知會幫公司搞出啲咩大頭佛。

而掉翻轉頭睇，轉軚嘅港女固然係柒，但係亦都唔見得其他女醒得去邊。港男港女呢個話題係呢幾年都煲到水都乾埋啦，大家周不時都見到一班Keyboard Fighter 講下港男無用，港女拜金嘅話題，呢D 辣著火頭嘅節目，一句失言，一個錯嘅選擇，都可以令閣下成為本月之星，而我相信呢個節目比佢地嘅報酬唔多，咁樣計一計法，一個唔小心講錯野嘅損失絕對比上節目所得多，好彩你地嘅風頭已經比班做得更出面嘅港女搶左，如果唔係嘅話真係高登見。

拿，老實講，我覺得拜金唔係罪黎，大家都有各自嘅價值觀，大家都有自己嘅擇偶條件。但係你係對劉生有興趣嘅，都等off air 先去approach啦，但係，港女們，你認為這些機會真的是屬於你的嗎？

https://www.facebook.com/bottleofvitasoy/